Сацыяльны праект "GOOD START"

Нараджэнне дзіцяці — гэта радасць, але часам і сур’ёзнае выпрабаванне для сямейнага бюджэту. Праект "Good Start" створаны, каб ні адна сям’я не заставалася сам-насам са сваімі праблемамі.

З 2019 года мы дапамагаем сем’ям, якія апынуліся ў складанай жыццёвай сітуацыі. Наша місія — падтрымаць тых, хто выхоўвае немаўля да года: прыёмныя, няпоўныя і шматдзетныя малазабяспечаныя сем’і.

Што мы робім?

З 2019 па 2023 год фарміравалі і перадавалі baby-наборы.
З 2024 года перайшлі на сертыфікаты — гэта зручней для сем’яў.

Штогод мы выдаём каля 400 набораў ці сертыфікатаў. У кожны з іх уваходзіць усё самае неабходнае:

• пялёнкі
• дзіцячае харчаванне (пюрэ, сумесі)
• памперсы
• вільготныя сурвэткі
• сродкі гігіены
• пасцельная бялізна і г.д.

Гэта наш невялікі, але вельмі важны праект. Таму што добры старт — гэта тое, што заслугоўвае кожнае дзіця.